‘Drug-Free Sticker’ Ipapilit Sa Balay Sa Adik – DILG

tokhang drugs antidrug duterte philippines

‘Drug-free sticker’, ipapilit sa balay sa adik – DILG

Tutokan sa Department of the Interior and Local Government (DILG) ang mga pamilya sa mga barangay isip pagpadayon sa kampanya batok sa ilegal nga droga.

Matud pa ni DILG Kalihim Ismael Sueno, magbutang ang DILG og drug-free stickers sa mga balay aron dali nga matumbok ang mga balay sa mga drug pushers ug users.

Giingong mahimong mas epektibo kini kun itandi sa Oplan-Tokhang sa mga polis nga gipahunong na ni Presidente Rodrigo Duterte human gigamit sa mga police scalawags sa ilang interes.

Matud pa nga ang mga adunay drug-free stickers nga mga balay ang motabang sa mga silingan niini nga apektado sa ilegal nga droga aron magbag-o ug ma-rehabilitate kun user, ug maoy mokumbinsir nga motahan na lang sa otoridad kun pusher.

Gilaoman sa kalihim nga gikan sa lebel sa pamilya, mosaka kini sa lebel sa komunidad hangtod sa probinsya ug modaghan ang mga lugar nga mahimong drug-cleared na sa Philippine National Police (PNP) ug Philippine Drug Enforcement Agency (PDEA). (ecb/PIA7-Bohol)

Comments

comments

About the Author

boholtribune.com
The Bohol Tribune is the leading newspaper in Bohol, Philippines, circulating in Tagbilaran City and in Bohol's 47 towns. Widely considered as the best newspaper in Bohol, The Bohol Tribune offers the most comprehensive coverage of news and features, presented in a world-class printing quality. For feedback/inquiries: 0920-630-1130 (smart) | 0927-6310-965 (globe) Landline: 038-501-0919 | E-mail: boholtribune@gmail.com

Be the first to comment on "‘Drug-Free Sticker’ Ipapilit Sa Balay Sa Adik – DILG"

Leave a comment

Your email address will not be published.


*